6日5夜日本九州自由行 - 阿蘇+熊本篇 • 湯巡追荘 • Cuddly Dominion

Day 2
佐世保 → 展海峰 → 九十九島 → 阿蘇 → 湯巡追荘

離開佐世保，我們展開漫長的旅程前往熊本縣的阿蘇市。由「佐世保」出發，先坐特急列車到「新鳥栖」，然後轉新幹線到「熊本」，再轉乘「九州橫斷特急」到「阿蘇」，乘車連等候時間共約4小時 。

Day 2: 由佐世保開往新鳥栖嘅特急列車

Day 2: 到達熊本站，見仲有少少時間，即刻趕去火車站入面睇吓有咩食，最後揀咗呢間便當，貪佢啲飯係熱辣辣嘅

Day 2: 便當只賣550円，可以揀兩種口味嘅飯，旦酥糕爸話呢個便當救咗佢一命，唔係佢實餓暈

Day 2: 係月台食完個便當，「九州橫斷特急」就嚟接我哋啦

Day 2: 車廂內部

「九州橫斷特急」有一個特點: 由於路線中有一段山路太過陡峭，火車路軌只能以「之」字上斜，所以中途會見到司機由車頭行去車尾開車，之後再返到車頭繼續行駛

Day 2: 70分鐘後，就到達JR阿蘇駅。喺月台見到狗狗Kuro間屋

我們在阿蘇入住「湯巡追莊」溫泉旅館。
http://www.yumeoisou.com
http://www.booking.com/hotel/jp/yumeoiso.en-gb.html (Booking.com 只能訂到普通雙人房)


「湯巡追莊」有免費接送，第一天到達佐世保時，我們透過櫃枱職員幫忙致電旅館預約。當步出JR阿蘇駅，見到有一輛的士在等，應該是來接我們吧？指手劃腳一番便確定是往旅館。上車後見到的士繼續跳錶，就有點疑惑車費是否由我們來支付，下車時想付錢，但司機搖頭說不用酒店會付款，哈！虚驚一場。

接待我們的職員叔叔英文不錯，check-in時向我們詳細解釋住客需知，還付上英文指引。湯巡追莊並不算豪華，但價錢合理 ，而且有很多貼心的服務。旅館除了「殿湯」(男士浴場) 及「姬湯」(女士浴場)，還有12個貸切風呂(私人溫泉)，戶外亦有足湯。入住的客人可以自選一套浴衣穿著，酒店會幫客人拍照留念 (退房時會曬好連相架放在大堂)，除此以外，大堂內還有咖啡機、溫泉蛋、按摩椅等供免費享用，亦可以借用DVD、乒乓球、卡拉OK，每晚8時還有遊戲節目...非常適合想以經濟的價錢享受溫泉樂的朋友。

Day 2: 阿蘇内牧温泉 - 湯巡追荘

Day 2: 大堂同小商店

Day 2: 房間好大，係日式榻榻米

Day 2: 每晚8點鐘就開始party，有攤位遊戲同埋卡拉OK比賽等節目，入場時有得玩必中獎攪珠遊戲，每人仲有一杯免費飲品，但全部講日文，我哋玩咗一陣就走啦

Day 2: 住客可以隨意享用12個私人溫泉 「貸切風呂」，只到櫃台問職員拎鎖匙就可以 (有本menu可以睇相，揀啱又無人用緊就OK！)

仲可以問職員拎沖涼用品同風筒，大堂門口有毛巾可以取用

Day 2: 露天貸切風呂

Day 2: 半露天貸切風呂

Day 2: 大堂有咖啡同溫泉蛋供應，不過唔係溏心蛋

---

Day 3
阿蘇 → 阿蘇火山 → Cuddly Dominion → 熊本

Day 3: 盡興嘅一夜，拜拜啦湯巡追莊！

尋晚酒店職員已經幫我哋安排好免費的士出返JR阿蘇駅

Day 3: JR阿蘇駅

我哋先將行李寄存喺站內嘅儲物櫃

Day 3: 隔離仲有個小市場，仲有隻全九州都會見到佢，大熱嘅Kumamon熊本熊！

Day 3: 站入面又點少得賣熊本熊記念品嘅小商店

Day 3: 出發到阿蘇火山 (阿蘇山西駅)，可以喺隔離嘅「九州產交營業所」用自助售票機買車票

( 阿蘇火口線時刻表: http://www.kyusanko.co.jp/sankobus/tozan_sen2 )

Day 3: 由阿蘇駅望去阿蘇火山，有好大舊烏雲喎

Day 3: 大打擊！索道居然運 • 休 • 中！

(故事教訓我哋，出發前記得check吓山上情況 http://www.kyusanko.co.jp/aso )

Day 3: 理論上只要唔係封山，其實係可以自己行上去 (約30分鐘)，不過出面橫風橫雪...

Day 3: ...都係返落山算喇

Day 3: 坐巴士返JR阿蘇駅，司機叔叔好好人，沿途停低一陣俾我哋影相，呢度係阿蘇火山其中一個景點: 米塚

Day 3: 回頭望返阿蘇火山，舊烏雲好似越嚟越大

Day 3: 沿路風景

Day 3: 無得上火山，咁早啲去下一個景點: Cuddly Dominion。由JR阿蘇駅行出大街「豐後街道」，轉右再行約20分鐘就到

Day 3: 打正招牌嘅黑店？

Day 3: 沿路都有路牌指示，認住阿笨與阿占 (雖然佢哋已經退咗休)！

Day 3: 一直行一直行就到

Day 3: Cuddly Dominion，入場費一啲都唔平，成人1600円

出發前記得留意開放時間 http://www.cuddly.co.jp/odekake/information.html，

同表演時間表 http://www.cuddly.co.jp/schedule.html

Day 3: 第一站，梗係去貓貓館啦！(貓貓館要另付400円入館費)
http://www.cuddly.co.jp/doubutu_fureai/nyanko.html

Day 3: 鎮館之寶，小黑貓Gigi！

佢好叻識得企上人膊頭，但又成日想走出門口，管理員姐姐捉佢返嚟時佢仲會駁嘴

Day 3: 館入面有唔同品種嘅貓貓，大部份都好友善

Day 3: 我哋去嘅時候天氣凍，啲貓貓爭住上我哋大脾取暖，但就算真係無貓show你，管理員姐姐亦會搵啲瞓緊覺嘅貓，連貓帶咕o臣放喺你大脾，總之一定有機會接觸到貓哋

Day 3: 至於同唔同到佢哋玩，就要考大家嘅撩貓功力

Day 3: 喺貓貓館玩咗成個鐘先捨得走，之後去睇熊人。佢哋隻隻攤係度等食，真係好鬼懶

Day 3: 呢隻企上條橋等人拋嘢食嚟餵佢，呢度啲嘅熊應該喪失晒野外求生能力咯

Day 3: 嚟到狗舍，同貓貓館一樣，呢度可以俾大家近距離接觸唔同品種嘅狗

Day 3: 狗狗就無貓咁幸福，狗舍呢度係半戶外，啲細狗凍度唔想郁，圍住個暖爐取暖，

Day 3: 呢隻狗仔仲醒，一路企喺旦酥糕爸隔離，用超可憐嘅神不斷哀求，終於令原本唔想抱狗嘅旦酥糕爸都心軟放咗佢上大脾，你睇佢個樣幾得戚

Day 3: Cuddly Dominion仲有好多唔同動物，嚟到Wonder Park呢區就可以接觸佢哋，我哋啱啱嚟到，就俾隻行緊咇嘅鴕鳥兇咗一吓

Day 3: 呢隻係羊駝，聽人講話佢哋會吐口水，搞到我唔敢行得太近

Day 3: 水豚，佢哋真係唔多郁

Day 3: 山羊

Day 3: 呢隻山羊好勁，居然識行獨木橋

Day 3: 臨近聖誕，呢隻小羊駝就扮成麋鹿同大家影相

Day 3: 真係好可愛，好似公仔咁

Day 3: 企鵝劇場，佢哋鍾意自由發揮唔跟劇本

Day 3: 鴨仔出嚟放風

Day 3: 園區有幾棵楓樹，已經變晒色，旦酥糕爸見到超開心

Day 3: 紅紅綠綠，又真係幾靚嘅

Day 3: 園區中央嘅日式庭園

Day 3: 離開Cuddly Dominion，我哋返到JR阿蘇駅，拎好行李，預備坐JR到熊本

Day 3: 又係坐「九州横斷特急」

Day 3: 拜拜啦阿蘇！下次嚟一定要上到火山！

Day 3: 到達熊本，我哋先到酒店「東橫INN-熊本站前」，由熊本站東口(白川口)步行3分鐘就到。遇啱晚飯時間，有免費咖喱飯食！估唔到都幾好味喎

Day 3: 食完咖喱飯，我哋坐有軌電車到下通町商店街附近食拉麵 
(均一票價150円，可在「通町筋」站落車)

Day 3: 下通町商店街

Day 3: 搵咗好耐先搵到 元祖熊本拉麵こだいこ

Day 3: 地方都幾逼，而且店內仲有人食煙 (所以香港實施室內禁煙真係好！)，味道就一般，未至於好驚喜

食完拉麵坐電車返酒店，預備迎接聽日重點行程: 高千穗峽！

---

其他文章：
6日5夜日本九州自由行 - 佐世保篇
6日5夜日本九州自由行 - 高千穗篇
6日5夜日本九州自由行 - 福岡+相島(貓島)篇

想睇更多相片？可以到旦酥糕爸嘅相簿：http://www.fotop.net/lncb/Aso2