「長洲」2日1夜浪漫深度豪華遊

4月份是旦酥糕爸的生日月，作為賢妻嘅我當然要好好預備節目大肆慶祝一番，但睇睇假表，可動用嘅假期數目係負數，唯有委屈旦酥糕爸，要到五一假期先可以大玩特玩。
今年旦酥糕媽為相公安排了一次由旦酥糕旅行社贊助嘅 「長洲」2日1夜浪漫深度豪華遊！

長洲話遠唔遠，話近又唔近，搭快船船程都要半句鐘(慢船則一句鐘，不過價錢就平一半)，但不失為一個遊山玩水嘅好地方，郊遊路線非常易行而且相對平坦，好適合一家大細去遊玩!