今年旦酥糕媽為相公安排了一次由旦酥糕旅行社贊助嘅 「長洲」2日1夜浪漫深度豪華遊！
長洲話遠唔遠，話近又唔近，搭快船船程都要半句鐘(慢船則一句鐘，不過價錢就平一半)，但不失為一個遊山玩水嘅好地方，郊遊路線非常易行而且相對平坦，好適合一家大細去遊玩!
細個去長洲多數住東堤，人大咗要求高咗，
所以今次揀咗華威酒店，雖然設施一般但景觀一流!
(鳴謝是旦酥糕爸提供相片)
去長洲郊遊多數有三條路線選擇：島北、小長城(東邊)及張保仔洞(西南)線
(Map from Web)
今日我哋行小長城
(鳴謝是旦酥糕爸提供相片)
一路行都係鋪得好靚嘅麻石路(不過落雨天要小心滑到)，沿途海景一覽無遺，只可惜天氣麻麻
行小長城嘅特點就係可以欣賞到好多奇形怪石呢舊叫饅頭石，圓圓地又有啲似喎!
回頭一望，就可以睇到東灣景色
繼續行呀行...
呢個叫花瓶石
長洲的東端
沿住小長城會一路行到玉璽石，但眼見前無去路，就要行返小小回頭路，見到有指示牌"往花坪"就沿住樓梯上山
山上係有好多樹蔭，行起上嚟都好舒服
行行下就見到一片樹林，滿地都係類似松針嘅落葉
呢片綠真係心曠神怡
建道神學院
關公忠義亭
香港氣候不太適宜櫻花生長，所以喺香港絕少見到櫻花嘅蹤影。
但其中有好幾棵就生長喺關公忠義亭呢度，雖然屬於台灣山櫻品種，但每年開花依然吸引到唔少龍友嚟影相。
可惜我地去到時花已淍謝，剩返啲車厘子
(不過聽聞今年有個自私精顧住影相夾硬折斷咗一節櫻花樹！可怒也!)
春天少不免都會見到杜鵑花
鎮"亭"之寶：龍骨
旦酥糕爸最愛燒烤，行完山就返酒店霸爐，兩個人的燒烤特別浪漫
(鳴謝是旦酥糕爸提供相片)
第二日我哋就出發到張保仔洞
(Map from Web)
你只要喺輪碼旁嘅公眾碼頭徘徊+攞出一副遊客樣，就自然會有人兜搭你坐街渡去張保仔洞
街渡會喺避風塘內行駛，話咁快就到張保仔洞附近嘅西灣碼頭
跟住指示牌行就唔會蕩失路
去到張保仔洞嘅入口，因為洞入面係完全伸手不見五指。呢幾位自由行同胞喺洞外擾嚷咗好耐，都未決定到底入定唔入
至於旦酥糕爸媽就一馬當先，拎住電筒就攝入去
喺洞入面尚算空氣流通，但基本上都要彎腰而行，近出口位仲特別窄 (好彩旦酥糕爸過到乍)
出咗張保仔洞向鯆魚灣方向繼續行
不過中間嘅一道橋爛咗，要經石灘繞過
回望張保仔洞
好大舊嘅五行石
白鰽灣
過咗白鰽灣就往上行，沿住山頂道西會經過長洲墳場、宜亭、眾樂園、天福亭等。我地行到天福亭附近就落山返碼頭，無繼續行去關公忠義亭個邊。
宜亭
馮程程會唔會都住埋係度?
長洲之遊到此就告一段落，多數收睇
沒有留言:
張貼留言