家有三隻旦．酥．糕 之 骨精追加

呢牌旦酥糕媽真係忙到傻. 而私事叫做告一段落, 但公事隨著"休．娛．期"結束, 正式進入一年一度o既旺季, 真係想偷懶都無時間, 所以blog o既更新頻率會減慢, 不過旦酥糕媽會盡力保持旦酥糕人氣, 定其post下近照. 而家就送上男師傅與骨精酥o既合照俾大家!

每晚到訓覺時間, 骨精酥就會虎視耽耽, 男師傅一訓上床, 牛酥就會飛奔撲到男師傅身上喵喵叫要拍屁股. 唔好睇旦酥糕爸個肚脹卜卜好似癡肥咁, 裡面其實係一個高科技o既枕頭, 可抵禦重達十磅o既肥貓o既天殘腳攻擊.

屋企o既骨精唔止得一個, 大家姐雞旦仔都係有名o既骨精旦.
梳毛R頸拍屁股樣樣岩, 仲係全天候24小時都身痕想人幫佢R

每次雞旦仔ler人梳毛都先以命令式語氣大叫大嚷,
如果師傅們漠視佢, 佢仲會將行動升級ler地四圍碌.

旦酥糕媽就趁機會去訓練旦豬聽指令


哈哈哈! 旦豬係咪好聰明呢? 唔知可唔可以賣藝賺錢幫補家計呢?

最後黎一張罕有o既旦酥糕合照, 極具收藏價值架!