家有三隻旦．酥．糕: 6日5夜日本關西自由行

十數年前旦酥糕媽初遊日本，與友人參加「罐頭式」的旅行團，以走馬看花形式遊覽大阪、京都、東京這些著名城市。事隔多年，重回大阪和京都，隨處可見的可愛的精品依然能鈎起購買慾，不過這次卻有更多時間去欣賞她們另一面。旦酥糕媽很喜愛關西地區那種城市與城市之間的親密關係；坐火車穿梭於不同城市，自然讓我們看到更多，吃到更多，買到更多！

日本，實在是一個好玩的地方！（但釣魚台是中國的！！！)

行程規劃：
Day 1: 關西空港 → 奈良 → 奈良公園 → 京都
Day 2: 夢館 (租借和服) → 祇園 → 清水寺
Day 3: 二条城 → 金閣寺 → 銀閣寺 →京都車站
Day 4: 京都 → 大阪 → 即食麵發明記念館 → 難波 → 道頓堀 → 蟹道樂 → 心齋橋
Day 5: 大阪 → 和歌山 → 貴志 (Tama小玉貓站長) → 伊太祁曽
Day 6: 和歌山 → 關西機場 → 香港

到關西自由行，首要任務是弄清楚那千頭萬緒的交通網絡，旦酥糕爸媽也花了好些時間才稍為弄明白。簡單而論，鐵路一般分為「JR」和「私鐵」。JR，日本的大型鐵路公司，網絡包括新幹線，還有行走大阪市內的JR線等。私鐵，泛指一般私營鐵路公司，網絡多屬地區性，覆蓋範圍相對較小。

旦酥糕爸媽是用以下網址查詢鐵路路線，可同時搜索JR及私鐵：
http://www.hyperdia.com

現在有個簡單概念，可以開始計劃行程！如果想坐火車由城市A前往城市B，往往有多條路線可以選擇，所以進行搜索之前，要先確認「出發地」及「目的地」的車站名稱，這樣才能得出準確的搜尋結果。另外亦要留意，某些景點會有多於一個鐵路站，例如想前往奈良公園，便會發現奈良有兩個車站：「奈良」站和「近鐵奈良」站，在地圖上找一找，便知道「近鐵奈良」站離奈良公園比較近，若想保留腳力的話，便應該選擇乘坐私鐵到「近鐵奈良」站（因為JR只停「奈良」站，而不停「近鐵奈良」站的)。

當一切輸入妥當，在搜尋結果中，大家可以比較一下車費、車程、車種、轉乘次數等資料再作決定。總括來說，關西地區城際交通選擇非常多，大家要多做點功課，花點時間研究研究。

另外亦可考慮購買火車Pass，大致分為兩種：

JR West Rail Pass（適用於JR）
http://www.westjr.co.jp/global/tc/ticket/pass/

Kansai Thru Pass（適用於大部份私鐵，甚至電車和巴士）
http://www.surutto.com/tickets/kansai_thru_hantaiji.html

網站內亦有路線圖可供下載，極為有用：

JR路線圖
http://www.westjr.co.jp/global/tc/travel-information/routemap

Kansai Thru Pass區域地圖
http://www.surutto.com/images/ticket/kansai_thru_pass/english/en_map.pdf

出發前經過旦酥爸的精密計算，我們最終並没有購買火車Pass，所以無法向大家介紹使用詳情。

Day 1
關西空港 → 奈良 → 奈良公園 → 京都

乘坐淩晨機出發，抵達關西空港時不過是早上6時30分。因為這晚入住的酒店位於京都，所以我們決定帶著行李直搗奈良。

由機場出發，買車票坐「南海本線-空港線空港急行」到達位於大阪的「難波」站（車程約48分鐘），再由「難波」站步行到「大阪難波」站，買車票轉乘「近鐵奈良線快速急行」（約39分鐘）到「近鐵奈良」站。

Day 1: 關西空港站

離開關西機場，留意指示牌，好容易就搵到「關西空港」站。
無論乘坐JR，或者由私營鐵路公司「南海電鐵」所營運嘅「南海本線」，都係由呢度出發

Day 1: 關西空港站

呢邊係「南海電鐵」嘅售票處

Day 1: 關西空港站

入閘前記得睇清楚搭邊間鐵路公司！

Day 1: 大阪難波站

由「難波」站要行一段路先到達「大阪難波」站，只要留意指示牌就OK。
喺途中已經見到奈良市嘅吉祥物

Day 1: 大阪難波站

同一個月台會有唔同列車駛經，要留意顯示板上嘅列車資料

Day 1: 大阪難波站

喺班次資料中，大家見唔見到一個圖形同圖形下面嘅數字？
呢個喺代表乘車位置，月台上有相對應嘅圖案同車卡數字，唔好排錯隊呀～

Day 1: 近鐵奈良站

無驚無險，到達奈良！
（註：車站內有間賣牛奶布甸嘅小舖，超好味！認住樽蓋上有佛公仔圖案）

Day 1: 近鐵奈良站

又係你呀？

Day 1: 近鐵奈良站

站內有大量超大/大/中/小嘅Lockers儲物櫃歡迎租用，
價錢不一，大約¥300至¥600不等，可租用一整日
（但唔可以重覆開啟，所以閂櫃門前要檢查清楚有冇帶漏嘢）

Day 1: 近鐵奈良站

旦酥糕爸媽帶住一個拖喼，一個背囊，啱啱好放得入¥400嘅中型儲物櫃！
儲物櫃只接受¥100硬幣，記得自備硬幣

Day 1: 近鐵奈良站外

Day 1: 奈良公園

由「近鐵奈良」站步行大約15分鐘，
當見到可愛嘅奈良鹿，就知道已經進入公園範圍
奈良公園範圍好大，我哋只重點遊覽幾個景點：
「近鐵奈良」站 → 南大門 → 東大寺 → 二月堂 → 春日大社 → 興福寺 → 「近鐵奈良」站

http://nara-park.com/index.html

Day 1: 奈良公園

呢些奈良鹿簡直係「陀地」，只要你手上有鹿餅，
佢哋就雙眼發光，不惜一切要你餵俾佢
（手段包括：圍你/撞你/咬你件衫或袋/用個鼻哄你，
一般只會輕輕力，不過怕動物嘅朋友都係唔好惹佢哋喇）

Day 1: 奈良公園

物件：鹿餅
金錢：150円
功效：可召喚奈良鹿

一包十塊，連包裝紙條都食得，唔怕鹿仔食壞肚。

鹿餅响整個奈良公園都買得到，
收入會用作管理冋保護奈良公園入面嘅鹿

Day 1: 奈良公園
鹿大哥佢哋好似裝咗雷達，一見鹿餅就蜂擁而至，
一包十塊嘅鹿餅眨吓眼就掃光，建議大家都係一塊餅擘成幾塊餵，襟食啲！

（旦酥糕媽小貼士：如果決定餵鹿，最好帶定一個膠袋或者密實袋，眼見勢色唔對就袋好鹿餅走人，
鹿仔一般唔會理會手中無餅嘅人，但只要你有餅喺手，佢哋係會死纏爛打嘅）

東大寺呢邊啲鹿比較「瘋狂」，完全唔怕人，若果頂唔順佢哋嘅熱情，
可以留返去春日大社果邊先餵，果邊啲鹿斯文啲