我係孻仔 - 砵仔糕 之 砵砵甩毛 (跟進)

跟進:
見撻甩毛處有d黑色點點, 應該開始生返d毛出黎.
砵砵而家心情相當不錯, 因為佢岩岩偷食左半包三文魚乾呀!

---

最近唔知天氣熱定係因為砵砵想保衛棵貓樹, 每次返到屋企, 都見砵砵訓係棵貓樹度, 一訓就幾個鐘, 好少會返落黎. 前日砵砵離開棵貓樹散步時, 無端端發現阿仔隻後腳無左執毛. 因為砵砵細個時生過癬, 以為舊病復發所以即刻拎個紫外光管o黎照下, 又無綠色一點點喎, 同埋d皮膚都好滑, 無結焦, 又唔似係生癬.

跟住又聽人講話貓有時因為心理問題, 會狂舔自己搞到無晒毛. 跟住留意左佢成晚, 又唔覺佢成舔甩毛個個位啵...

定還是佢同家姐阿哥打交打甩毛? 定係唔知幾時擦親夾走晒d毛?

突然之問覺得我呢個阿媽好無用, 成日掛住上網, 都無好好留意下d仔女. 尤其是砵砵, 佢唔似阿哥家姐咁會成日喵你嘈你要你做乜做乜, 所以有意無意都忽略左砵砵.

「砵砵豬, 你快d生返d毛出黎, 媽咪應承你多d陪你玩, 多d同你R痕, 你千祈唔好嬲媽咪.」

後腳有一個比五蚊銀大o既位置無左毛.

無毛個位置好平滑, 又唔似生癬...