大家或許會問，到底毛里裘斯在地球哪個角落，簡單google一下，就知道毛里裘斯位於印度洋，一個在非洲以東，靠近馬達加斯加的小島國. 地方不大，大約是香港的2倍，但卻是歐洲人，尤其是法國人嚮往的渡假勝地。其中一個原因是因為毛里裘斯曾經是法國及英國的殖民地，國民大多懂法語和英語，不諳外文的法蘭西人當然有賓至如歸的感覺。
其實我這個遠道而來的亞洲人也很喜歡這個小國：鳥語花香，熱情友善 --- 就是毛里裘斯所給我的回憶。
原來香港去毛里裘斯有直航機。經過約10個鐘嘅機程，我哋抵達毛里裘斯嘅機場。不出所料，係一個「豆腐潤」機場
連Chop上都有渡渡鳥嘅圖案，果然係「國鳥」呀！
(可惜渡渡鳥已一早絕咗種)
到達Club Med嘅La Plantation d'Albion！環境不錯，Club Med嘅渡假村多數有保證
渡渡鳥，又見到你啦！
咩叫繁花似錦，睇下呢個花叢就知。原來簕杜鵑都有咁多隻色
之前去埃及坐尼羅河遊船都見過，但無諗喺呢度又會見到呢班毛巾小動物
Club Med呢個渡假村都算大，有兩個泳池/餐廳/酒吧，分別位於Reception附近及圖中嘅Zen area。Zen area環境寧靜啲，又近我哋間房，所以我哋長期喺呢度打躉
樹上面點解有咁多個波波？原來全部都係鳥巢嚟架！可憐棵樹變到光禿禿，因為啲樹葉俾啲雀啄晒去做建築材料
對住印度洋嬉水，一樂也！
有不速之客！
餐廳Le Phare，早午晚餐都係睇menu點菜食，食晚餐要預先book位，但環境很好，非常浪漫
日間嘅Le Phare，吹住海風食嘢，爽！唯一唔好就係俾好多烏蠅同麻雀騷擾
夕陽下的Cosmopolitan
主餐La Distillerie係自助餐形式，賣相同味道都不錯！
嚟到毛里裘斯都見到貓呀！！呢隻超似砵砵！最鍾意喺食飯時候出嚟呃飲呃食！
又多一隻貓！ 又係襯食飯時間出嚟搵食！
佢仲會呱呱叫大叫！ 個樣好似好惡但其實好嗲㗎！
嘩嘩嘩！ 不得了！ 呢晚有海膽呀！ (其實我唔食嘅)
旦酥糕爸話一流，係佢食過最新鮮最好食嘅海膽
見到真係嘴已O！好大條劍魚！初初以為係標本，但見到廚師們正喺佢另一面片呀片！原來係真㗎！不過味道好唔好就唔知，因為我唔食生嘢，而旦酥糕爸又屙又嘔(唔知係咪早一晚嘅魚生唔乾淨)，呢條劍魚究竟係咩味，對我哋永遠是心裡心裡一個謎(難解！難計！)
Club Med每晚都有dress code， 呢晚係白色之夜，連個朱古力噴泉都變咗白色！ 好靚呀！
嚟到Club Med，點少得各種運動等娛樂？呢度係Sports Centre
有空中飛人玩，但我唔夠膽喇...怕怕...
旦酥糕媽第一次射箭，居然係「柴娃娃比賽」中得到第6！仲係女子組嘅冠軍！旦酥糕爸就有底子，係眾人不知情下捧走個金牌！o殊！
呢邊係靠近reception嘅海灘，圖中間就係潛水中心
好舒服但唔多穩陣嘅大搖籃
(細細聲講俾大家知，其中一個試過俾旦酥糕爸坐反咗呀！)
藍的天，白的雲，綠的葉，紅的花: 神嘅創造真係No1！
夜間嘅Recpetion
喺Club Med每晚都會有show睇，今晚請埋觀眾上去俾人整蠱，有啲無聊不過我哋都笑到卡卡聲
鳥語花香的毛里裘斯 (下)
完整相簿:
http://www.flickr.com/photos/amywai/sets/72157625422331229/detail/
沒有留言:
張貼留言