家有三隻旦．酥．糕 之 那個夏天我們在家中反肚

好耐無update旦酥糕嘅趣事, 真係愧對各位旦酥糕粉絲. 但正所謂遲到好過無到, 而家就為各位送上旦酥糕白白滑滑嘅肚腩肉照:

話說今年夏天特別熱, 某日, 慳家的旦酥糕媽死忍難忍, 堅拒開冷氣, 隔無耐就出現一個奇景:

旦酥糕媽: 哦? 居然有隻海豹喺我屋企曬太陽?

旦酥糕媽: 唓, 都唔係海豹嚟嘅, 原來係酥酥..

牛酥: 嗯?
 旦酥糕媽: 酥酥, 你好熱咩? 個鼻仔都紅晒喇...

牛酥: 阿媽, 你話呢?
旦酥糕媽:......

那邊箱, 又有一個奇景:

 旦酥糕媽: 咦, 點解又有隻狐狸喺山洞入面嘅...

 旦豬: 阿媽, 係我呀, 都叫你近視就戴返副眼鏡..

 旦酥糕媽: 衰女你管我! 你匿埋响樹做咩?
(按: 此山洞乃旦酥糕逃避旦酥糕爸媽追捕嘅避難所, 平日絕少有貓會留喺入面)

旦豬: 乘涼囉仲使問...
旦酥糕媽: 係喎, 耳仔都紅哂喎...

 砵砵:Z......熱...Z......熱...Z......好熱......
旦酥糕媽: 真係好熱咁啵,砵砵連肚都反埋出嚟...
(按: 砵砵超怕凍, 佢個神秘嘅白肚腩絕少反出嚟)

 旦酥糕媽: 牛酥你都好鍾意反肚㗎啵....
(按: 牛酥正一嬌生慣養, 又怕熱又怕凍, 夏天簡直長期處於反肚狀態)

 牛酥: 使乜講!

 牛酥: 我咁反又得!

 牛酥: 咁反又得!

 牛酥: 得咗!
旦酥糕媽: 嗯...其實嚴格嚟講閣下呢個姿勢唔算反肚囉...
牛酥: 你管我!

 旦酥糕媽: 旦豬你又嚟呀?

 旦豬: 阿媽, 我有啲嘢想同你講...
旦酥糕媽: 咩事呀女?

旦豬: 影影影! 仲喺度影! 快啲去開冷氣啦! 再唔係幫你部相機紋身架!
旦酥糕媽: 喳! 小的遵命, 小的立即去辦!