我手畫牛酥

旦酥糕媽以前讀書嘅時候成日都要畫畫，但自從畢業以嚟都好少有機會執起啲「架生」，真係開壇畫畫都要數到6、7年前。其實唔係我唔再鍾意畫，只不過人越大就越嚟越懶，返到屋企只係想坐定定追套「真相」。

前一陣子班新舊同事話好耐都無搞作要搵啲嘢玩吓，小姐同事就提議嚟個最新最潮Art Jamming；一班人柴娃娃，嘻嘻哈哈咁嘈咗成晚，畫得靚唔靚已經唔重要，只知道離開嘅時候大家都笑好開心呀！

Art Jamming 一個session為3小時，但我哋買外賣上去食都食咗成個鐘，
果然畫畫只係作掩飾，吹水食嘢先係正經事。

個個人都話自己/唔識畫/未畫過/好耐無畫....

但出到嚟張張精品，究竟你哋係天才丫？定你哋講大話其實根本識畫畫？

上到去都未諗定畫咩，不過最後都係決定畫我個「心肝掟」酥酥！

結果會畫成點？係未好心急想知呢？
.
.
.
.
.
.
.
.
.
.
.
.

凳.凳.凳.凳！

各位觀眾，翻•版•牛•酥•是也！

的而且確，比例係有啲唔對勁，塊面又有少少唔對稱。
不過丟疏咗咁多年，同埋畫得個兩個鐘，我都滿意收貨咯!

咁唔知牛酥又滿唔滿意呢？

旦酥糕媽：「.......」