家有三隻旦．酥．糕: 10日9夜俄羅斯自由行 - 莫斯科篇 • 伊斯梅洛沃市場 • 國家百貨商場 (Day 9-10)

俄羅斯之旅接近尾聲，又是時候搜羅記念品給各方親朋好友，所以這天便來到位於莫斯科市郊的伊斯梅洛沃市場Вернисаж в Измайлово (Izmaylovsky Market) 。

伊斯梅洛沃市場是一個大型露天市集，位於莫斯科東邊的市郊，坐地鐵3號線到 Партизанская (Partizanskaya)站下車，跟著人群步行約10分鐘便到達。市集內有各色各樣的手工藝品、二手器材、首飾、衣物等，甚至連傢俬也有，除了遊客會在此選購記念品外，當地人也會到市集二手區域尋寶。

Day 9
伊斯梅洛沃市場 Вернисаж в Измайлово (Izmaylovsky Market) → 紅場 Крaсная плoщадь (Red Square) → 國家百貨商場 ГУМ (GUM)

Day 9: 出咗地鐵，行無幾耐就見到入口

Day 9: 入口處有地圖，市集嘅設計好有規劃，唔怕蕩失路

Day 9: 入口位置

Day 9: 門口會有人收入場費

Day 9: 市集內井井有條，地方整潔，但始終人流比較多，大家要小心財物

Day 9: 旁邊有啲熟食檔，收吸血鬼嘅價錢，唔建議大家喺呢度食

Day 9: 居然有隻黑白貓！超似砵砵

Day 9: 見得最多嘅係一排又一排嘅俄羅斯娃娃

Day 9: 高矮肥瘦大大小小傳統新潮都有，唔擔心大家買唔到手信，只會擔心唔知揀邊樣好

Day 9: 一隻俄羅斯套娃其實唔平，體積越大，件數越多就更貴。大家出手之前最好格下價，如果買得多可以試吓講價，不過店販一般只肯減少少。某啲大路嘅款式喺市區嘅記念品檔分分鐘賣得仲平，不過呢度勝在款式夠多夠齊。

Day 9: 傳統嘅俄羅斯娃娃太浮誇啦，個人鍾意呢種北歐風！

Day 9: 嫌傳統娃娃太嬌艷，又可以揀政治人物，居然連拉登都有，戰鬥民族果然豪無禁忌！

Day 9: 除咗俄羅斯娃娃外，呢款木製裝飾都好靚，有好幾款著名嘅大教堂

Day 9: 旦酥糕媽就買咗早幾日參觀過位於賽吉耶夫嘅The Assumption Cathedral

Day 9: 呢個聖巴索大教堂手工十分精細，價錢當然唔平

Day 9: 除咗手工藝品，市集入面亦有賣二手相機嘅古董店。旦酥糕媽有玩開LOMO，居然俾我搵到部正宗俄仔LC-A！旦酥糕爸都唔執輸買咗部蘇製旁軸相機。

大家不妨喺度尋吓寶，二手店講價空間大好多

Day 9: 呢位老闆今日做咗單大生意，有個遊客幫佢掃咗幾部風琴相機，見佢哋用部計數機講價都講咗10分鐘

Day 9: 唔知係咩琴，外型好古典

Day 9: 大量襟章

Day 9: 仲有啲原木家品，可以買嚟自己上色

Day 9: 當然唔少得俄羅斯皮帽，呢個天氣望到都覺得熱

Day 9: 記念品主要集中喺市集近入口嘅位置

Day 9: 如果繼續行上一層嘅話，就會見到好多夜冷舖，呢一區都係當地人行多

Day 9: 同香港啲夜冷舖差唔多，咩都有得賣

Day 9:連一啲疑似係舊教堂嘅裝飾畫都有

Day 9: 老翻聖巴索大教堂

Day 9: 血拼完後，大家可以返到地鐵站附近嘅商場食嘢，呢度有KFC同Tepemok

http://teremok.ru

Day 9: Tepemok除咗有pancake，仲有俄羅斯餃子，配酸忌廉食，好味道 :)

Day 9: 同中式餃子差唔多

Day 9: 呢枝紅莓汁飲品都唔錯

Day 9: 行完伊斯梅洛沃市場，見天氣好，我哋再返到紅場附近影相

Day 9: 陽光下嘅聖巴索大教堂靚仔咗好多

Day 9: 聖巴索大教堂 Собор Василия Блаженного (Saint Basil's Cathedral)

Day 9: 喀山教堂 Казанский собор (Kazan Cathedral)

Day 9: 國家歷史博物館 Государственный исторический музей (State Historical Museum)

Day 9: 基督復活門 Воскресенские ворота (Resurrection Gate)

Day 9: 喺基督復活門嘅前方地下有塊銅板標誌住 "Kilometre Zero", 即計算俄羅斯所有道路嘅距離都以此為起點

Day 9: 旅客當然要影返張到此一遊照

Day 9: 國家百貨商場 ГУМ (GUM)

Day 9: 入去參觀吓

Day 9: 商場嘅設計充滿歐陸風情

Day 9: 有各種各樣嘅名店同咖啡室

Day 9: 呢日天氣熱，賣糖漿+梳打水嘅小檔大排長龍

Day 9: 食返件雪糕先

Day 9: 呢間又係排隊熱店，有趣嘅係啲雪糕已經一個個筆好晒咁賣(留意收銀嬸嬸身後)，所以只有單球不能雙拼

離開國家百貨商場，我哋返到酒店食我哋「最後的(俄羅斯)晚餐」

Day 9: 決定豪啲喺Holiday Day Inn入面食餐好嘅

同普通西餐一樣，都係麵包嚟先，配牛油同橄欖醬

Day 9: 當然唔少得俄羅斯餃子，酸忌廉另上

Day 9: Chicken Kiev 基輔雞
俄羅斯名菜之一，以無骨雞肉包住一大舊牛油再炸，切開時有流心嘅效果。雖然個炸雞有啲乾，不過襯埋個蘑菇汁都幾好味

Day 9: Beef Stroganoff, 俄式酸忌廉燴牛柳絲，又係俄羅斯名菜，超好味！

Day 10
莫斯科 → 香港

Day 10: 10日9夜嘅俄羅斯之旅嚟到尾聲，我哋要出發去機場。坐地鐵2號線到Домодедовская (Domodedovskaya) 站，出閘後留意站內嘅指示

Day 10: 上到地面見到一片爛地

Day 10: 搵咗一陣先見到堆巴士

Day 10:上車前自動會有人向你收錢。

其他往來機場嘅方法，可到 http://www.domodedovo.ru/en/main/getting/1

(分享一則: 上車時因為旦酥糕爸要處理行李，所以旦酥糕媽先上巴士搵位，說時遲那時快，一個貌似中東裔嘅男子扮若無其事咁即刻走過嚟坐喺我身邊，嚇咗我一跳，因為當時架巴士仲未滿有好多空位，點解偏偏要坐喺我隔離？我好大聲咁"No!"，指住正上緊車嘅旦酥糕爸，果名男子先施施然走開坐响其他空位。後來網上啲人話，俄羅斯有「巴士老鼠」專向遊客落手，襯佢哋無防備嘅時候偷嘢，所以大家記得要小心，有陌生人靠近就要提高警覺啦！)

Day 10: 大約半個鐘後就到達Moscow Domodedovo Airport，俄羅斯之旅亦畫上句號！謝謝收看

12.10.2015

10日9夜俄羅斯自由行 - 莫斯科篇 • 伊斯梅洛沃市場 • 國家百貨商場 (Day 9-10)

3 則留言: