1.12.2017

2日1夜勁食勁影遊澳門 - 紅街市 • 盧廉若公園 • 瘋堂斜巷 • 路環聖方濟各聖堂



趁有假期打算到澳門走一轉,其實香港人到澳門主要都是為食食食,永遠只在大三巴和氹仔之間來回,都吃到有點悶。早前澳門政府大力發展文化旅遊,才發現原來澳門有頗多特色建築,那麼這次就來個美食攝影鴨仔團吧!



Day 1: 福隆新街 → 祥記麵家榮記豆腐麵食洪馨椰子 → 東方基金會會址  → 紅街市 → 新鴻發咖啡美食 → 盧廉若公園 → 國父記念館 → 塔石廣場 → 瘋堂斜巷 → 大三巴 → 營地街市熟食中心 → 威尼斯人

Day 2: 世記咖啡 → 崗頂前地 → 法蘭度 → 路環聖方濟各聖堂 →  安德魯花園咖啡 → 氹仔官也街 → 疊記咖哩麵食



Day 1
福隆新街 → 祥記麵家榮記豆腐麵食洪馨椰子 → 東方基金會會址 → 紅街市 → 新鴻發咖啡美食 → 盧廉若公園 → 國父記念館 → 塔石廣場 → 瘋堂斜巷 → 大三巴 → 營地街市熟食中心 → 威尼斯人

Day 1: 到咗澳門,先到酒店放低行李,再出發到福隆新街搵食

Day 1: 可惜福隆新街已淪為遊客區,望見間間啲餐牌價錢都好嚇人,唯有去祥記麵家食個蝦籽撈麵,不過已經無印象中咁好食,而且貴咗好多

祥記麵家
澳門福隆新街68號 (地圖)

Day 1: 話明勁食團,梗係食完一樣接一樣,之後到榮記食豆腐花
(最初打算食另一間頤德行李康記豆花,但呢日係公眾假期,好多舖頭都無開-_-")

Day 1: 原本只係想食碗豆花,但見到有豬油渣麵又未試過,就唔覺意叫咗,有驚喜喎!

榮記豆腐麵食
澳門果欄街41號43號 (地圖)

Day 1: 甜品唔怕多,到隔離食多個椰子雪糕

Day 1: 好香椰子味,但比較似雪葩而唔似雪糕

洪馨椰子
澳門新馬路果欄街14號地下 (地圖)

Day 1: 食飽就要行吓,我哋慢慢行去白鴿巢公園一帶。澳門嘅小街仍然保留住好多舊式建築

Day 1: 聖安多尼教堂 (花王堂)

Day 1: 白鴿巢前地

Day 1: 呢款舊式郵筒已經買少見少

Day 1: 東方基金會會址 
Day 1: 東方基金會會址

Day 1: 東方基金會會址


Day 1: 離開白鴿巢公園,我哋沿住罅些喇提督大馬路(去澳門望見啲街名就會覺得語言不通),途中見到呢幾間彩色屋仔,好有威尼斯Burano彩色島feel!

Day 1: 位於罅些喇提督大馬路嘅紅街市

Day 1: 真係好搶眼

Day 1:  紅街市

Day 1: 而佢的而且確係一個街市,我哋怕阻住人做生意所以唔敢入去影相


Day 1:  離開紅街市,我哋沿住高士德大馬路行到盧廉若公園,又差唔多係時候Tea一Tea。
今次到新鴻發咖啡美食,叫咗豬扒包同沙甸魚包;有啲失望,個麵包唔夠鬆,好黏口,而沙甸魚包之前未試過,所以有新鮮感

新鴻發咖啡美食
澳門賈伯樂提督街55號A (地圖)

Day 1: 隔離就係盧廉若公園

Day 1: 以中式庭園設計

 Day 1: 好精緻嘅壁畫

  Day 1: 位於公園中央嘅春草堂

Day 1: 有個頗大嘅荷花池,有機會可以嚟影吓荷花

Day 1: 紅噹噹嘅迴廊

Day 1: 喺盧廉若公園一角有個澳門茶文化館

Day 1: 展館唔係好大

Day 1: 樓上有個大廳,間中會舉行有關茶文化嘅講座

 Day 1: 澳門茶文化館


Day 1: 旁邊有座好搶眼嘅建築

Day 1: 附近就係國父記念館,不過我哋去到時已經閂咗門

Day 1: 國父記念館

澳門國父紀念館
澳門澳門文第士街1號 (地圖)

Day 1: 下一站係塔石廣場,咁啱舉行緊花展

Day 1: 塔石廣場

Day 1: 文化局大樓


Day 1: 跟住到近期人氣急升嘅瘋堂斜巷

Day 1:  喺瘋堂斜巷一帶都會見到呢個望德堂坊LOGO,係呢一區嘅正名

Day 1: 瘋堂斜巷唔算長,但有好幾座特色建築,當中經過翻新及活化,而家呢一帶已經變成一個藝術文化區

Day 1: 大瘋堂,個名好爆

Day 1: 瘋堂斜巷

Day 1: 瘋堂斜巷

 Day 1: 瘋堂斜巷

Day 1: 仁慈堂婆仔屋 (hahaha個名好正!)

Day 1: 呢度而家係藝術中心,會有不同展覽舉行

Day 1: 仁慈堂婆仔屋

Day 1: 瘋堂斜巷

Day 1: 瘋堂斜巷


Day 1: 無幾遠就係大三巴,今日人山人海

Day 1: 代表中葡友誼嘅雕塑:青年男女

Day 1: 原本諗住到營地街市熟食中心試勝記瓦煲咖啡,可惜無開門。唔緊要,咁就去平記美食食返個乾炒牛河補數,嘩!好好味呀!夠味夠鑊氣又夠乾身,就係嫌細碟咗啲

營地街市熟食中心
澳門米糙巷營地街市市政綜合大樓3樓 (地圖)

Day 1: 食完見仲有時間就去路氹行一轉,經過金沙城中心

Day 1: 講出嚟都俾人笑,我都係第一次嚟威尼斯人乍
(真係後知後覺,原來威尼斯人有免費shuttle來往外港碼頭同氹仔碼頭,而又可以由威尼斯人行到葡韻/官也街一帶,咁出入就方便好多)



Day 2
世記咖啡 → 崗頂前地 → 法蘭度 → 路環聖方濟各聖堂 →  安德魯花園咖啡 → 氹仔官也街 → 疊記咖哩麵食

Day 2: 今朝一早先嚟個無冰奶茶加件炭火即烤奶油多,呢種路邊攤好有風味

Day 2: 因為係炭火現烤,未食已經一身BBQ味,不過真係熱辣辣脆卜卜,無冰奶茶都好有水準

世記咖啡
新馬路崗項吉祥里地下 (地圖)

Day 2: 要趕住坐巴士去路環,所以到岡頂前地打咗個轉就走

Day 2: 崗頂劇院

Day 2: 耶穌會會院

Day 2: 岡頂前地


Day 2: 點解要急住嚟路環?因為要食法蘭度囉!日日都大排長龍

Day 2: 今日唔算多人,可以順利入座。點咗佢最出名果幾樣:蕃茄沙律,蜆汁蝦,燒乳豬同馬介休球。可能期望太大,今次食返又無第一次食果種驚艷

法蘭度餐廳
澳門黑沙海灘黑沙海灘9號 (地圖)

Day 2: 食完晏,就由黑沙海灘坐巴士到路環市中心,到馬忌士前地

Day 2: 廣場旁邊有食肆

Day 2: 路環聖方濟各聖堂
係咪熟口熟面呢?韓劇「宮」同電影「游龍戲鳳」(劉德華同舒淇果套)都有喺度取景

Day 2: 路環聖方濟各聖堂

Day 2: 做乜有幅觀音像喺教堂入面?睇真啲,原來係聖母聖子像in a Chinese way

Day 2: 路環圖書館

Day 2:  對面就係橫琴島


Day 2: 嚟到路環又點可以唔食返個葡撻?

Day 2: 如果想嘆住嚟食,可以到安德魯花園咖啡

Day 2:呢兩日食太多,要飲杯茶消吓滯

安德魯花園咖啡
澳門打纜街105號 (地圖)

Day 2: 行程到尾聲,又係時候買手信,本能反應地去咗官也街

Day 2: 呢次唔買咀X園或鉅X,試吓老餅店晃記餅家,每次經過都見佢大排長龍,原來真係幾好食





Day 2:臨走都唔可以俾個肚有任何空間,返到盧廉若公園附近,食返之前食唔到嘅咖喱牛腩麵,不過呢個真係投降,小辣都辣到我胃痛咁滯,喜歡辣嘅朋友不妨挑戰吓

叠記咖喱麵食
澳門士多鳥拜斯大馬路25號 (地圖)


住宿推薦
如果你同旦酥糕爸媽一樣,去澳門旨在食吓影吓,對酒店要求唔高,只求乾乾淨淨交通方便的話,可以考慮住新新酒店。酒店內差不多零設施,但勝在地點好(行10鐘唔使就到議事亭前地),同價錢平(普通雙人房平日都係HK$500左右一晚),房內仲有Nespresso咖啡同飲品俾你飲(免費的)!Booking.com經常有優惠,可以留意吓。

澳門新新酒店
http://www.booking.com/hotel/mo/best-western-sun-sun.zh-tw.html

(Photo from Booking.com)

 
窗外景色 (鳴謝旦酥糕爸提供相片)

沒有留言:

張貼留言