多得一隻三色貓站長 - 小玉，令和歌山在貓奴界無人不識。身為貓奴的旦酥糕爸媽，來到關西又怎能不去拜訪一下？可惜小玉站長已在2015年6月22日往彩虹橋報到，而現在貓站長這個偉大使命就由她的學徒 - 小玉2號繼承。
上一次來到和歌山未有好好遊覽，這次終於可以到櫻花名所之一 - 和歌山城參觀。
Day 6
小玉列車 → 貴志駅 → 大池遊園 → 和歌山城
Day 6: 早上先坐「和歌山電鐵」到「貴志」站
Day 6: 喺站內嘅Poster見到大池遊園有櫻花喎，咁回程時可以去望望
Day 6: 上次嚟和歌山搭唔到小玉列車失望咗好耐，今次終於搭到啦！
Day 6: 好打耳！好打耳！聽講列車外面總共印有101隻小玉
Day 6: 其實列車內部嘅設計同其他冇大分別，所以小玉站長先係重點！
Day 6: 小玉原來已經係Super Station Master
Day 6: 除咗小玉公仔外，列車入面仲有其他貓造型嘅裝飾
Day 6: 呢盞燈幾靚喎，有冇得買返盞？
Day 6: 嚟到「貴志」站
Day 6: 同上一次嚟無太大改變，但多咗一啲風格無咁kawaii嘅小玉畫象
Day 6: 點少得小玉嘅精品？
Day 6: 「參見小玉2號站長！」
Day 6: 憑佢嘅眼神，我知道我哋兩個愚蠢嘅人類打搞到佢，係！係！小的告退
Day 6: 站外仲可以租用小玉嘜頭單車
Day 6: 旁邊原來仲有個小神社
Day 6: 參見完站長，我哋坐電車到大池遊園，呢次坐到期間限定嘅繪手紙列車
Day 6: 列車掛滿咗各方市民嘅圖畫，各色各樣嘅題材都有
Day 6: 當然唔少得小玉站長啦！
Day 6:「大池遊園」站
Day 6: 出站後見到小山坡上有朵朵紅花，顏色咁鮮艷，似係桃花
Day 6: 跟住就往水池方向行，回頭可以影埋架電車
Day 6: 大池遊園應該唔係咩旅遊景點，人影都唔多隻，設施亦有啲殘舊
Day 6: 喺湖邊有幾棵櫻花樹，加上旁邊嘅小艇，都幾有詩意
Day 6: 穿過條生鏽橋
Day 6: 完全唔見有人開檔租船，當然我哋都無興趣租
Day 6: 公園一角，和歌山地理位置較南，櫻花樹已經落花了
Day 6: 我哋再响週圍探索吓
Day 6: 湖邊小屋
Day 6: 呢邊有幾棵櫻花，仲可以影埋架電車
Day 6: 影完相我哋行返「大池遊園」站，站旁邊有幾棵矮小嘅桃花樹
Day 6: 返到JR「和歌山」駅，我哋坐巴士嚟到和歌山城，喺JR站搵一架經過「公園前」站就可以
(可以喺呢度下載單張 http://wakayamajo.jp/riyou/pamphlet.html )
入口叫「大手門」，門前係「一之橋」
Day 6: 和歌山城係櫻花名所之一，開花期間會有櫻花祭
Day 6: 不過花期都差唔多完喇
Day 6: 呢隻伏虎個樣好呆
Day 6: 好靚
Day 6: 既然嚟得和歌山城，當然要去天守閣參觀吓
Day 6: 天守閣入口 - 二之御門（楠木門）
(開放時間及入場費：http://wakayamajo.jp/riyou/index.html#1)
Day 6: 和歌山城係一座連立式天守，即係佢各座城樓都係相連嘅
Day 6: 小天守
Day 6: 大天守
Day 6: 原來嘅和歌山城喺二次大戰時遭到美軍空襲，幾乎所有建築都被炸毀，而家見到嘅係1958年重建而成
Day 6: 天守閣內部無得影相，不過上到城樓頂就可以影外面嘅景色
Day 6: 可以望到紀之川
Day 6: 城內嘅小庭園
Day 6: 櫻花已紅落晒lu
Day 6: 落紅不是無情物，化作春泥更護花，只可惜佢哋落咗喺堆石頭上面
Day 6: 城角
Day 6: 護國神社
Day 6: 追廻門
Day 6: 喺公園中央有個「西之丸庭園」 (紅葉溪庭園)
Day 6: 呢度嘅樹木特別茂盛，我諗秋天嚟應該會好靚
Day 6: 穿過西之丸庭園，就會見到一座好特別嘅橋
Day 6: 呢座叫「御橋廊下」，喺2006年重建，可以隨便參觀，入去嘅時候記得要除鞋，有需要可以喺門口拎個膠袋袋住對鞋
Day 6: 係德川時代為咗方便藩主、侍從或奧女人來回「二之丸」同「西之丸」而建。為免外人望到有咩人行過，所以就起到成間屋咁
Day 6: 幾有趣嘅建造
Day 6: 因為有斜度，所以地板都裝上橫條以防滑倒
Day 6: 條橋其實唔係好長
Day 6: 雖然櫻花就嚟落晒，不過到夜晚仲有幾個檔口可以買嘢食
Day 6: 櫻花祭嘅燈籠
Day 6: 天開始黑，我哋返到大手門離開
Day 7: 第7日朝早我哋由和歌山坐巴士到關西機場，而關西賞櫻之旅亦正式結束！
其他文章:
7日6夜日本關西賞櫻自由行 - 大阪篇: 大阪城西之丸庭園 • 万博記念公園 • 毛馬櫻之宮公園
7日6夜日本關西賞櫻自由行 - 京都嵐山篇: 嵐電櫻花隧道 • 仁和寺 • 嵐山公園
7日6夜日本關西賞櫻自由行 - 京都嵯峨野篇: 嵯峨野觀光鐵道 • 京都御苑
7日6夜日本關西賞櫻自由行 - 和歌山篇: 貴志駅 • 大池遊園 • 和歌山城
沒有留言:
張貼留言