京都本身就是一個熱門的旅遊城市，加上櫻花盛開，著名的景點如清水寺、祗園等已被遊客淪陷，而且我們也想去一些未到過的地方，所以這次到京都只去了嵐山和嵯峨野。
Day 4
大阪 → 京都 → 嵐山 → 嵐電櫻花隧道 → 天仁寺 → 嵐山公園
大家可以在「四条大宮」站乘坐由「京福電気鉄道」經營的「嵐電」前往嵐山。在京都市內坐「阪急電鉄 - 京都本線」到「大宮」站下車，走過對馬路就是「四条大宮」站了。
嵐電
「嵐電」票價每程畫一收費210円，仲有一日乘車券出售(500円)。如果大家有買Kansai Thru Pass，亦可以在「嵐電」使用。
Day 4: 呢類小型電車係由車尾上車，車頭落車。落車時入錢，或將一日乘車券交俾司機先生睇就可以
Day 4: 第一站，我哋嚟到「鳴滝」站
「鳴滝」站屬於「嵐電」嘅支線「北野線」，大家要喺「帷子ノ辻」站轉坐往「北野白梅町」方向嘅電車
Day 4: 站外邊有油菜花，但佢只係大配角
Day 4: 呢度四圍都係住宅，有咩睇呢？
Day 4: 原來呢度有個櫻花隧道。圖中有粉紅花花就係櫻花隧道嘅位置
Day 4: 由「鳴滝」站出發行五分鐘左右就到，途中會經過一條小溪
Day 4: 一段200米嘅路軌兩旁種咗約70棵櫻花，好多龍友都專程嚟呢度影相。雖然人多，但因為呢度係住宅區，大家記得要保持安靜
Day 4: 淡淡嘅粉紅襯上紫色嘅車身，好浪漫哦
Day 4: 呢度無明確標示邊度係影相位，所以大家要週圍探索吓，穿過路軌時記得注意安全，記得唔好行錯入人哋屋企喎
Day 4: 每隔10分鐘就會有一班電車經過，每個位等吓影吓，旦酥糕爸媽都喺呢度逗留咗成個鐘
Day 4: 影完相就返到「鳴滝」站，繼續去下一個景點
Day 4: 火車上望到嘅櫻花隧道
Day 4: 跟住坐兩個站到「御室仁和寺」站參觀仁和寺
Day 4: 五重塔
Day 4: 呢度有唔同品種嘅櫻花, 花期有遲有早, 有啲已經開完花生埋BB車厘子
Day 4: 金堂
Day 4: 鐘樓
Day 4: 嚟得仁和寺，大部分人都係想睇御室櫻
Day 4: 御室櫻出名開花開得遲，而且生得比較矮，可以近距離觀賞
Day 4: 御室櫻嘅花期一般比染井吉野櫻遲兩個星期，我哋去嘅時候只係啱啱開始開花
Day 4: 唯有影吓其他櫻花啦
Day 4: 勅使門
Day 4: 我哋順便參觀埋御殿 (入場費500円，如果持有「嵐電」一日乘車券可享有折扣)
Day 4: 可能受到氣氛嘅影響，大家嚟到都自然會坐低歇一歇
Day 4: 南庭
Day 4: 御殿呢度雖然有好多迴廊，不過有箭咀指示參觀路線，唔怕蕩失路
Day 4: 望到五重塔頂
Day 4: 好好享受休息嘅時刻
Day 4: 「綿綿頭上飛花~散聚了無牽掛~~~」
Day 4: 享受了片刻嘅寧靚，又係時候上路，我哋返到「御室仁和寺」站
Day 4: 先坐電車到「帷子ノ辻」站，然後再轉「嵐山本線」往「嵐山」站
Day 4: 「嵐山」站呢度熱鬧好多，驟眼睇有啲似京都祗園
Day 4: 來一串小丸子先
Day 4: 大家嚟嵐山都係去嵐山公園，亦必定會經過呢座渡月橋
Day 4: 嵐山山頭除咗綠色仲有粉紅色
Day 4:可以喺保津川上撐吓船
Day 4: 亦可以坐人力車
Day 4: 嵐山公園
Day 4: 突然傳來陣陣熟悉嘅廣東話，果然喺景區著和服嘅9成以上都係遊客
Day 4: 天開始暗，大家把握時間影多幾張相
Day 4: 呢度有兩檔小食，不過價錢好貴
Day 4: 哈佬肥貓！
Day 4: 公園內有小茶檔
Day 4: 呢間應該係高級料理
Day 4: 拜拜啦嵐山
Day 4: 返到「嵐山」站，大家唔使急住走
Day 4: 有興趣可以試試足湯，去客務服務中心買飛就可以 (200円連毛巾，如果持有「嵐電」一日乘車券可享有折扣)
Day 4: 駅之足湯
Day 4: 嚟嵐山嘅遊客太多，所以想浸腳就要排隊啦，記得浸之前先洗吓腳
其他文章:
7日6夜日本關西賞櫻自由行 - 大阪篇: 大阪城西之丸庭園 • 万博記念公園 • 毛馬櫻之宮公園
7日6夜日本關西賞櫻自由行 - 京都嵐山篇: 嵐電櫻花隧道 • 仁和寺 • 嵐山公園
7日6夜日本關西賞櫻自由行 - 京都嵯峨野篇: 嵯峨野觀光鐵道 • 京都御苑
7日6夜日本關西賞櫻自由行 - 和歌山篇: 貴志駅 • 大池遊園 • 和歌山城
沒有留言:
張貼留言