Day 5
嵯峨野觀光鐵道 (嵐山小火車) → 京都御苑 → 和歌山
旦酥糕爸對「小火車」有一種莫名的喜愛，上次在九州沒機會乘坐「南阿蘇鐵道小火車」，這次到京都就讓他得償所願吧 XD！
「嵯峨野觀光鐵道」的起點在「嵯峨」站，全程7.3公里。旅客可以在JR West任何一個車站的綠色窗口預購「嵯峨野觀光鐵道」，但如果想坐5號半露天車廂，就只能夠即日在觀光鐵道的車站購票了。
https://www.sagano-kanko.co.jp/chinese.php
觀光鐵道每小時一班，遇上旺季車票都頗為緊張。旦酥糕爸媽去到當日就只剩去程，回程很多班次都是「滿席」，正當我們徬徨無助地望著售票員不知如何是好的時候，售票員小姐卻冷靜地拿出一張中英文告示： 原來由觀光鐵道的終站「亀岡」站步行10分鐘，就到達附近的「馬堀」站。在「馬堀」站便可以乘坐JR：真是天空海闊任我行，所有問題都解決了。
Day 5: 我哋坐JR「嵯峨野線」到「嵯峨嵐山」站，「嵯峨野觀光鐵道」就喺隔離嘅「嵯峨」站出發
嵯峨野觀光鐵道
Day 5: 站外有一架蒸氣火車頭
Day 5: 仲有個叫19th Century Hall嘅展館，不過今日主要係嚟坐小火車，所以無入去參觀
Day 5: 呢度就係「嵯峨」站，站內有電子顯示屏例出列車嘅坐位情況。單程車費620円，如果喺旺季座位都幾緊張，有需要可以買埋回程車票
Day 5: 火車嚟啦！
Day 5: 當日落住細雨，半露天車廂都無乜人坐，旦酥糕爸媽就好開心咁行左行右影相
Day 5: 其實有車頂嘅，不過太大雨都會撇濕
Day 5: 「嵯峨野觀光鐵道」全程7.3公里，一共有四個車站，單程車程約25分鐘
Day 5: 25分鐘行7.3公里其實一啲都唔快，不過影相就會覺得影唔切
Day 5: 小火車沿住保津川而行，有人喺度玩漂流
Day 5: 保津峽站，沿線都會見到呢班狸貓出沒
Day 5: 有幾個小鐘，唔知可唔可以奏歌嘅呢
Day 5: 沿河川而行，會經過幾座橋
Day 5: 呢個範圍啲樹木好高，好似入咗森林咁
Day 5: 沿途都會見到幾棵櫻花樹，當然無前一日「嵐電」嘅櫻花隧道咁有規模
Day 5: 終站在望
Day 5: 到「亀岡」站啦
Day 5: 例車好快就要預備回程
Day 5: 又見到班狸貓，呢個家族好似壯大啲
Day 5: 「嵯峨野觀光鐵道」係單軌雙程行車，一來一回啱啱好一個鐘
Day 5: 有隻妖怪上咗火車搞搞震
Day 5: 「亀岡」站附近嘅景色
Day 5: 可以喺呢度坐馬車到保津川玩漂流
Day 5: 不過遊人唔算多
Day 5: 站外面有間小店賣蔬果，士多啤梨只要500円一盒！仲有得試食添，即刻買咗一盒嚟食
Day 5: 沿住小路向前走，已經見到JR列車駛過
Day 5: 呢度都有個櫻花隧道喎！不過架車就無「嵐電」果架咁靚喇，仲有鐵絲網圍住行唔到埋去
Day 5:由「亀岡」站行到「馬堀」站大約10分鐘，上埋條小斜路就到
Day 5: JR嘅班次密好多，一路行過嚟已經有好幾班車駛過
Day 5: 「馬堀」站
Day 5: 呢度都種咗好多櫻花
Day 5: 附近嘅景色
Day 5: 上車啦！
Day 5: 因為我哋用Kansai Thru Pass，所以我哋坐JR返到「嵯峨嵐山」站，然後行5分鐘到「嵐電嵯峨」站，再搭「嵐電」返到「四条大宮」站
Day 5: 之後轉地鐵到「丸太町」站落車，喺1號出口向行前就到京都御苑
京都御苑
Day 5: 京都御苑面積有63公頃，除咗古蹟以外，仲有運動康樂設施同政府部門嘅辦事處
Day 5: 平時要預約先可以入京都御所參觀，不過每逢春季同秋季都會有幾日開放俾公眾，每年時間都唔同，詳情可以以下網址了解
Day 5: 呢晚要出發到和歌山，所以我哋無參觀御所，只係嚟睇吓櫻花。御苑入面嘅櫻花樹集中响西邊
Day 5: 可惜今日落住雨，影相都影得唔盡慶
Day 5: 京都御苑曾經係皇室重地，所以連啲櫻花樹都特別過人，呢個品種開到好似繡球花咁
Day 5: 一睇個氣勢就知呢棵櫻花樹勁，原來仲有名堂，叫「車還櫻」，相傳靚到連天皇都俾佢吸引，要倒車返轉頭再欣賞
Day 5: 花瓣沾滿雨點，又係另一種美態
Day 5: 你睇有幾多人圍住佢，就知佢出名
Day 5: 繼續向北行，就到近衛邸跡，呢度有幾棵垂枝櫻
Day 5: 不過都差唔多開完，有啲樹枝仲出咗新芽。
京都嘅行程完結，我哋要出發到和歌山！
其他文章:
7日6夜日本關西賞櫻自由行 - 大阪篇: 大阪城西之丸庭園 • 万博記念公園 • 毛馬櫻之宮公園
7日6夜日本關西賞櫻自由行 - 京都嵐山篇: 嵐電櫻花隧道 • 仁和寺 • 嵐山公園
7日6夜日本關西賞櫻自由行 - 京都嵯峨野篇: 嵯峨野觀光鐵道 • 京都御苑
7日6夜日本關西賞櫻自由行 - 和歌山篇: 貴志駅 • 大池遊園 • 和歌山城
沒有留言:
張貼留言