好在城門水塘地處不算偏僻, 而且今次目標只有白千層, 所以食過午飯才慢條斯理地由灣仔出發, 坐火箭VAN到荃灣, 再轉乘82號專線小巴, 前後都不過一個鐘.
由城門水塘的菠蘿壩總站下車, 朝車尾方向行, 沿著自然教育徑走大約大半個鐘, 就見到兩排白千層同我地say Hello.
白千層, d皮真係一層層咁甩
沿途風光
此乃"水浸白千層"的廬山真面
上一次到城門水塘係旱季, 當時水塘水位唔夠高, 樹根露晒出黎, 無咩野影.
是樹是影?
去到o既時候已經接近黃昏, 光線柔和, 最岩影相
好寧靜o既感覺
對面岸好似仲有d白千層, 唔知點先去到呢
倒影加上水的波紋
睇相以為無咩人, 其實不知幾熱鬧, 有d好位仲要排隊先影到. 期間有一疑似港女大叫「喂, 你用你部機影呢度呀, 影d水呀, 用慢快門啦」，完全打破晒呢一刻嘅寧靜, 認真「唔該晒」
影完相, 就出返旺角, 因為要拎兩筒埃及旅行時影的菲林去晒, 等菲林沖曬期間, 即上OpenRice睇下旺角有咩潮州打冷好介紹, 排頭位o既係呢間: 新泉發
我同相公都鍾意食潮州打冷, 因為樣樣都細細碟, 兩個人去都可以食多幾款.
先黎一碟紅腸併墨魚, 紅腸仲熱熱地, 墨魚彈牙又唔太韌! 正!
鹵水鵝片, 味道不錯(相公話偏咸, 不過我點醋食就岩岩好), 可惜隻鵝偏瘦, 雖然健康d不過口感就差少少
牛肉炒芥蘭: 賣點係牛肉絕無經過梳打粉的蹂躪。牛肉同芥蘭都相當新鮮, 鑊氣夠, 不過略嫌太油同太咸
煎蠔餅: 推介! 好味! 新鮮即製, 非常鬆脆, 雞蛋夠香, 蠔仔夠多又鮮味, 諗返起仲舔舔脷!
無花無假, 全部清晒!
沒有留言:
張貼留言