可愛小魔鬼狗
大狗
貓貓居然都有出席, 而且表現相當淡定 (不敢想像帶旦酥糕嚟會有咩後果)
非常漂亮嘅捲耳貓, 芳名毛毛
不過唔係隻隻貓狗都咁好彩有主人錫. 會場中有義工帶著被遺棄嘅貓狗, 佢地隻隻都乖又聽話, 希望可以被有心人收養. 呢隻可愛鬆獅狗都係度搵緊一個溫暖嘅家
呢隻得幾個月大嘅小黑狗身世可憐, 啲無良嘅人居然想煮小黑狗嚟食, 好在義工及時救返小狗出嚟
除左狗狗, 好多貓貓都需要一個家. 睇下呢隻小貓幾趣緻
黑色的也乖, 很黐人
小貓可愛, 不過大貓更逼切需要一個家 (呢隻橙貓貓真係似我家牛酥, 不過表情就可憐得多)
「我都想有媽咪爹吔錫...」
「帶我返屋企啦! 帶我返屋企啦!」
其實家貓唐狗都非常可愛, 雖然佢地外表比較平凡, 但每一隻性格都獨一無二. 而且家貓和唐狗一般身體都較強壯, 較少病痛. 我家旦酥糕就係最好嘅貓版!
另外, 大家都可以考慮收養一啲年紀較大的貓貓狗狗, BB雖然可愛, 但成年嘅貓狗性格比較穩定, 聽教聽話, 好少會搗亂. 最適合第一次養寵物嘅朋友.
睇完人地嘅寶貝, 梗係要買返啲貢品送比屋企三隻主子:
不過場內貓用品不多
呢隻蝦仔最過癮, 有個氣泵, 泵氣時蝦尾會伸直!
沒有留言:
張貼留言