灣仔貓仔

路人甲乙: "唔好意思, 想請問你係咪鼎鼎大名嘅灣仔招財貓, 貓仔小姐呀?"

"無錯, 我就係!" 

若果你在灣仔一帶活動, 也應該見過這位芳名貓仔的三色貓女.

貓仔是藥材舖老闆的愛貓. 每天在店鋪坐陣, 惹來不少途人注目, 真是集萬千寵愛於一身. 老闆娘每天會為貓仔換上不同款式的頸帶 (雖然老闆娘話貓仔其實唔鍾意戴); 有時見到老闆捉弄貓仔, 貓仔又不甘被弄而喵喵大叫 (老闆卻哈哈大笑); 若老闆要離開鋪頭片刻, 貓仔也必定飛奔出去緊隨著主人...

人與貓之間確實充滿著愛.

就像所有父母都為自己子女的成就而驕傲, 貓仔的本領也令老闆夫婦感到自豪. 聽說貓仔還會表演小把戲:

老闆: "喂! 貓仔, 同人握手啦!"
貓仔(一臉不悅): "喵!!!~~~"
老闆: "唔得咁㗎你, 快啲表演比人睇!" (老闆捉住貓仔隻手)
貓仔(無奈, 唯有照做):

路人甲乙: "嘩! 貓仔好叻呀!"
老闆(自豪地): "喂! 貓仔, 恭喜發財, 請請啦!"
貓仔(發出最後抗議): "喵!!! 喵!!!~~~"
老闆: "快啲, 恭喜呀!" (老闆又擺弄貓仔對手)
貓仔(抗議無效, 照做):

路人甲乙: "嘩!嘩!嘩! 貓仔好犀利呀!"
老闆(自豪地): "你地有冇養貓呀? 你地隻貓有冇貓仔咁乖先?"
路人甲乙(汗顏中): "點有得同貓仔比, 我地屋企個三隻正一乞兒仔女!"

大家是否也覺得貓仔很厲害?

貓之檔案:
姓名: 貓仔
(問老闆娘點解明明係女仔會取名"貓仔", 老闆娘話因為細細個就開始養, 細細隻就"貓仔, 貓仔..."咁叫佢, 到而家長大左都一直叫"貓仔"
性別: 女
年齡: 6歲左右
品種: 應該是純種香港短毛貓
毛色: 三色花貓, 有白頸巾和四只白襪
出沒地點: 灣仔藥材舖, 及隔離鄰舍的店舖

遊蕩中的貓仔